ЕУ ги донесе заклучоците за Косово: Еве што ИТНО мора да направи државата

Лидерите на земјите членки на Европската унија денеска донесоа заклучоци во кои ги осудија неодамнешните инциденти на северот на Косово и повикаа на итна деескалација на ситуацијата, врз основа на клучните елементи кои Европската унија веќе навести на 3 јуни 2023 година.

Во заклучоците на Европскиот совет за Косово се наведува дека партиите треба да создадат услови за предвремени избори во сите четири општини на северот на Косово, како и дека неуспехот да се деескалираат тензиите ќе имаат негативни последици.

-„Од суштинско значење е да се продолжи дијалогот со посредство на ЕУ, предводен од високиот претставник и брзата имплементација на Договорот за патот кон нормализација и неговиот Анекс за имплементација. Ова вклучува формирање на Асоцијација/Заедница на општини со српско мнозинство. “ се наведува во документот.

Во исто време, Европскиот совет потсетува на Декларацијата од самитот ЕУ-Западен Балкан во Солун на 21 јуни 2003 година, како и на последователните декларации од Софија, Загреб, Брдо Бриони и Тирана и нејзините претходни заклучоци, особено оние од 23-24 јуни 2022 година и ја повторува својата целосна и недвосмислена посветеност на изгледите за членство на Западен Балкан во ЕУ и нејзината поддршка за забрзување на процесот на пристапување заснован на заслуги и поврзаните реформи.

Share on Facebook

Tweet

Follow us

Save