ЕУ Предложи нов пакет санкции за Русија: Опфатени се сите области освен една, а таа е клучна

Фон дер Лајен: Европската комисија предложи нов пакет антируски санкции

Европската комисија предложи петти пакет санкции против Русија, кој се состои од шест елементи, вклучувајќи забрана за увоз на јаглен, ограничувања на четири банки и забрана за транспортниот сектор, изјави претседателката на Европската комисија Урсула фон дер Лајен.

„Прво ќе воведеме забрана за увоз на јаглен од Русија во износ од 4 милијарди евра годишно“, рече таа.

Вториот е „целосна забрана за водење бизнис со четири клучни руски банки, вклучувајќи ја и ВТБ“, додаде шефот на Европската комисија.

„Трето: забрана за руски и руски контролирани бродови да влегуваат во пристаништата на ЕУ. Некои исклучоци ќе ги опфатат основните потреби како што се земјоделски и прехранбени производи, хуманитарна помош и енергија. „Покрај тоа, ќе предложиме забрана за руски и белоруски транспортни оператори“, рече таа.

Четвртата е целната забрана за извоз во вредност од 10 милијарди евра во области каде што „Русија е ранлива“, рече фон дер Лајен.

„Ова вклучува, на пример, квантни компјутери и напредни полупроводници“, прецизира таа.

Петтата е нова забрана за увоз во вредност од 5,5 милијарди евра „за производи од дрво до цемент, од морска храна до алкохолни пијалоци“, додаде таа.

Шесто, преземаме многу насочени мерки, како што е општата забрана на Европската унија за учество на руски компании во јавните набавки во земјите-членки“, рече таа.

Исто така, се предлага да се исклучи каква било европска и национална финансиска поддршка за руските државни органи.

Рестриктивните мерки предложени од Европската комисија треба да бидат одобрени од земјите на Европската унија.

Руските медиуми се пошегуваа дека санкции се воведени за сите области освен за природниот гас и нафтата кои мораат да ги набават од Русија.

Share on Facebook

Tweet

Follow us

Save