ЕУ ќе инвестира 17 милијарди во инфраструктурата, зашто тенковите на НАТО не можат да поминат низ некои тунели, а мостовите може да паднат

Тенковите на НАТО не може да поминат низ европските тунели, а мостовите може да се срушат

Европскиот комесар за транспорт и туризам, Апостолос Цицикостас, во интервју за „Фајненшл тајмс“ изјави дека патната и железничката инфраструктура на Европската Унија не може да обезбедат брзо преместување на војска и на воена техника во случај на евентуален конфликт со Русија. Затоа, ЕУ ќе инвестира најмалку 17 милијарди евра за нејзина модернизација и приспособување. Според него, тенковите на НАТО, кои може да тежат и до 70 тони, сега не би поминале низ некои тунели, а некои мостови би можеле да се срушат.

– Имаме стари мостови што треба да се обноват, тесни што треба да се прошират, а има и места каде што воопшто не постојат мостови, па мораме да ги изградиме – истакна Цицикостас.

Планирана е модернизација на 500 инфраструктурни проекти, вклучувајќи патишта, мостови и железнички линии, покрај четири главни воени коридори низ ЕУ, чии локации се чуваат во тајност.

Share on Facebook

Tweet

Follow us

Save