ЕУ ќе одлучува дали Босна и Херцеговина ќе добие кандидатски статус!

Барањето на Босна и Херцеговина да стане земја кандидат за членство во ЕУ ќе се најде на дневен ред на состанокот на министрите за европски прашања на Унијата, што денеска ќе се одржи во Брисел.

Доколку амбасадорите претходно дадат „зелено светло”, таа одлука денеска би ја потврдиле министрите, а потоа и лидерите на ЕУ на 15 декември на нивниот самит.

Вчера претставниците на ЕУ не можеа да кажат дали Унијата ќе ја донесе оваа одлука за БиХ и дали некои земји-членки на ЕУ се уште се колебаат.

Според европскиот портал Еурактив, неколку земји членки го поддржале кандидатскиот статус за БиХ, а противници се Франција, Холандија и донекаде Германија, но Хаг, како што се наведува, денеска нема да се спротивстави на одлуката.

БиХ аплицираше за членство во ЕУ во 2016 година, а во октомври Европската комисија препорача земјите-членки да и дадат кандидатски статус на БиХ, но со листа од осум услови кои земјата мора да ги исполни во областа на владеењето на правото и борбата против корупцијата.

Share on Facebook

Tweet

Follow us

Save