Жена загина на скопската обиколница – се истражува дали се движела пеш по автопатот или паднала од надвозникот во Стајковци

Жена вчеравечер загина на скопската обиколница. Како што информираат од Обвинителство, бил извршен увид на местото на несреќата.

„Точните причини и околности под кои се случил настанот се утврдуваат, но според првичните сознанија, починатата е женско лице, кое или се движело пеш по автопатот или паднало од надвозникот на коловозот. Во тој момент, во ноќни услови на намалена видливост на патот, на неа налетал автомобил кој се движел по обиколницата. Возачот на автомобилот е алкотестиран веднаш по несреќата, при што не е утврдено дека управувал со возилото под дејство на алкохол“, информираат од Обвинителство.

На телото на жртвата ќе биде извршена обдукција а прибрани биле и траги и материјални докази кои ќе бидат предмет на вештачење. Се разговара и со очевидци на настанот, со цел да се испитаат сите околности.

Share on Facebook

Tweet

Follow us

Save