Жените во Иран кои нема да носат хиџаб ќе бидат казнети
Иранската полиција вчера соопшти дека со помош на паметната технологија ќе се идентификуваат и казнуваат жените кои ги кршат правилата за облекување.
Полицијата најави дека почнува „внимателно планирани акции“ во јавниот простор, возилата и на „местата на кои понекогаш се соблекува хиџабот“.
Новата мерка уследи откако се повеќе жени по минатогодишната смрт на Махса Амини, се спротивставуваат на задолжителниот кодекс на облекување.
– Според важечките закони, симнувањето на хиџабот се смета за кривично дело. Луѓето кои го прекршуваат законот се одговорни за своите постапки и своето однесување, изјави неименуван висок полициски функционер.
Според него, полицијата ќе ги предупреди компаниите доколку работничките го симнат хиџабот на работното место. По предупредувањето ако работничките не го почитуваат кодексот за облекување, компанијата ќе биде затворена.
Иранските власти претходно во неколку наврати предупредуваа дека следи казна ако жената го соблече хиџабот на јавно место.
ПОВРЗАНИ ВЕСТИ
Трамп: „Војната со Иран ќе заврши по…
Во време кога војната со Иран почнува…
Израел да се повлече од Либан, а…
Иранската револуционерна гарда денеска соопшти дека војната…
МААЕ ќе го пријави Иран во Советот…
Одборот на гувернери на Меѓународната агенција за…
Нетанјаху: Иранскиот режим е на пат да…
Израелскиот премиер Бенјамин Нетанјаху денеска, за време…
Иран напаѓа американски бази во четири земји…
Иран ги прошири своите одмазднички напади врз…
