Жив сум и здрав, не ја разбирам вревата околу мојата болест“, напиша Кадиров

На официјалниот Телеграм профил на Рамзан Кадиров, лидерот на Руската Чеченска Република и силен сојузник на претседателот Владимир Путин, се појави видео на кое тој ги негира информациите од социјалните мрежи дека е во лоша здравствена состојба.

Како што јави Ројтерс, на нивно прашање до официјален Кремљ дали 46-годишниот Кадиров се лекува во болница во Москва, Кремљ одговорил дека нема информации за случајот.

Меѓутоа, на видео објавено на каналот Телеграм на Кадиров, се гледа како тој седи покрај човек за кој вели дека е „нашиот драг вујко Махомед Абдулхамидович Кадиров“ па пријателски го удира по раката и главата.

Сепак според Ројтерс, не е јасно кога точно видеото е снимено.

„Слава на Семоќниот, жив сум и здрав и воопшто не ми е јасно зошто би имало гужва дури и во случај на моја болест?“, стои во објавата која наводно ја напишал Кадиров.

Портпаролите на чеченскиот лидер не возвратиле на повеќето повици од Ројтерс претходно за да ги коментираат извештаите дека Кадиров е тешко болен.

На 15 септември, украинската тајна служба на своите канали Телеграм објави дека чеченскиот лидер наводно е во тешка состојба и паднал во кома. Никој од официјалните лица не ја потврди оваа вест.

Share on Facebook

Tweet

Follow us

Save