Забрана за влез во шуми на Халкидики, властите стравуваат дека пожарите ќе се шират

Локалните власти на грчкот полуостров Халкидики воведоа привремена забрана за пристап до неколку шумски области низ полуостровот Халкидики во северна Грција, бидејќи регионот се соочува со висок ризик од шумски пожари, објавија грчките медиуми.

Мерката, наредена од заменик-регионалниот гувернер на Халкидики, Јанис Куфидис, им забранува на пешаците и на сите видови возила да влегуваат во одредени шумски области во општините Касандра, Ситонија и Аристотелис.

Според Катимерини, ограничувањето е на сила од 8 часот наутро до 20 часот во сабота, како дел од мерките за спречување на пожари.

Конкретно, забраната за пристап се однесува на сртот на полуостровот Касандра, од Касандрино до Агија Параскеви и шумските области познати како Арапис и Халковуни во локалната заедница Паљури.

„Ги повикаме жителите и посетителите да ги почитуваат ограничувањата, кои имаат за цел да го намалат ризикот од пожари во период на високи температури, опасни за проширување на огнови“, соопштија властите.

Share on Facebook

Tweet

Follow us

Save