Западните лидери се согласија: Потребно е да се изврши поголем притисок врз Русија

Западните лидери се согласија за потребата да се изврши поголем притисок врз Русија и да се зголеми меѓународната изолација на Москва по нејзината инвазија на Украина, се вели во соопштението на италијанската влада, пишува Ројтерс.

Лидерите – вклучувајќи ги италијанскиот премиер Марио Драги, американскиот претседател Џо Бајден и британскиот премиер Борис Џонсон – споделија „длабока загриженост“ за продолжените непријателства во Украина и рекоа дека е потребен брз прекин на огнот.

„Постоеше широк консензус за потребата да се засили притисокот врз Кремљ, вклучително и со усвојување дополнителни санкции и да се зголеми меѓународната изолација на Москва“, се вели во соопштението на Рим по видео-повикот меѓу лидерите.

Се додава дека тие ја повториле посветеноста за диверзификација на снабдувањето со енергија со цел да се намали зависноста од Русија.

Share on Facebook

Tweet

Follow us

Save