Захарова: Загрозена е безбедноста на Балканот

Русија ги осудува провокативните антисрпски акции на Приштина, кои ја доведуваат ситуацијата во жешка фаза и ја загрозуваат безбедноста на Балканот, изјави портпаролката на Министерството за надворешни работи на Русија, Марија Захарова.

„Со загриженост гледаме уште едно влошување на ситуацијата во автономната покраина Косово и Метохија, каде што продолжува прогонот и насилството врз автохтоното српско население, организирано од радикали од косовските Албанци“, рече Захарова.
Таа нагласи дека САД и Европската Унија се целосно одговорни за постапките на властите во Приштина.

Според неа, САД и ЕУ „не дејствуваат како миротворци, туку како поттикнувачи на конфликти, кои ги поткопуваат меѓународно-правните основи за решавање на косовското прашање и го одложуваат постигнувањето заемно прифатливо решение, кое е можно само со потпирање на Повелбата на Советот за безбедност на ОН 1244“.

Портпаролката додаде дека САД и ЕУ не направиле ништо „да резонираат со раководството на косовските Албанци и да ги принудат да ги исполнат своите обврски од бриселските договори од 2013 и 2015 година“.

Претходно, во интервју за Спутник, директорот на четвртиот европски оддел на Министерството за надворешни работи на Русија, Јури Филипсон изјави дека Русија ќе продолжи да го поддржува Белград во одбраната на неговите легитимни права, суверенитет и територијален интегритет. Тој додаде дека Брисел и Вашингтон никогаш нема да ја признаат штетноста на „косовскиот проект“.

Share on Facebook

Tweet

Follow us

Save