Захарова: САД и Велика Британија помогнаа во нападот на украинските сили на Севастопол

Нападот на Севастопол, во кој беше оштетено седиштето на Црноморската флота, е извршен со помош на специјалци од САД и Велика Британија, изјави денеска портпаролката на руското Министерство за надворешни работи, Марија Захарова.

„Севастопол повторно беше нападнат на 22 септември и нема ни најмало сомневање дека нападот бил однапред планиран со користење западно разузнавање, сателитска опрема на НАТО, извидувачки авиони и изведен на иницијатива и во тесна соработка со американските и британските разузнавачки служби“, рече таа на брифингот, пренесе „РИА новости“.

Захарова нагласи дека очигледната цел на овој напад и други слични терористички акти е да се оттргне вниманието од неуспешните контраофанзивни обиди на вооружените сили на Украина и да се заплашат луѓето, да се сее паника во руското општество и на крајот да се дестабилизира внатрешнополитичката ситуација во земјата.

Share on Facebook

Tweet

Follow us

Save