За два месеци Грција ќе снема гориво

Висок раководител во грчкиот рафинериски сектор денес изјави дека земјата има резерви на гориво за два месеци, поради загриженоста на пазарот дали Грција ќе може да одржува соодветни залихи на гориво ако кризата во Персискиот Залив продолжи.

„Целосно сме обезбедени два месеци. Доколку пловидбата во Ормускиот теснец не се обнови, ситуацијата ќе стане потешка подоцна“, изјави за „Катимерини“ висок раководител на рафинерија.

Грција има четири рафинерии, во Аспропиргос, Елефсина, Солун, со вкупно производство на основни нафтени производи што ја надминува домашната побарувачка. Повеќе од 50 проценти од производството се извезува, додека безбедносните резерви го надминуваат задолжителниот износ за покривање на побарувачката за 90 дена.

Пловидбата низ Ормускиот теснец, низ кој минува околу 20 проценти од светската трговија со нафта и течен природен гас, е запрена од крајот на февруари, кога започна конфликтот меѓу САД и Израел со Иран.

Share on Facebook

Tweet

Follow us

Save