За 72 часа албанската полиција уништи повеќе од 24.000 стебла канабис

Министерот за внатрешни работи на Албанија, Тауљант Бала, упати честитки до полицијата на Албанија за акциите против нелегалното одгледување канабис, кои се спроведуваат низ целата земја, пишува Албаниан пост.
Бала рече дека борбата против одгледувањето наркотици продолжува секој ден и дека Албанците очекуваат земјата да се исчисти од нелегалното одгледување канабис.

„Нелегалното одгледување канабис беше извор на финансирање на криминалните организации, кој конечно мора да биде згаснат“, рече Бала.

Албанската полиција спроведе акција против одгледување наркотични растенија, во која беа ангажирани околу 7.000 полицајци и десетици беспилотни летала со висока резолуција.

Во последните 72 часа во Пука уништени се вкупно 24.220 растенија „канабис сатива“, а запленети се 29 килограми сушен канабис.

Во акцијата е уапсено едно лице, а по две лица се распишани потерници.

Share on Facebook

Tweet

Follow us

Save