Звучи познато? Партијата на Шолц повикува на создавање на моќна германска армија

Социјалдемократската партија на Германија, партијата на канцеларот Олаф Шолц, повика на ревизија на надворешната политика, особено кон Русија, пренесува ДПА.

Документот насловен „Социјалдемократските одговори на светот што се менува“ ќе се расправа на 23 јануари во Претседателството на партијата.

„Дојде време да ја преиспитаме нашата улога во светот и да преземеме поголема одговорност за она што го имаме во сржта на просперитетот, слободата и мирот – меѓународен поредок заснован на правила“, се вели во текстот.

Конкретно, во документот се тврди дека Германија предолго се потпирала на иднината на соработката со Русија.

Се споменува и потребата да се преиспитаат односите со Кина и да се работи на намалување на економската зависност.

Покрај тоа, авторите ѝ доделуваат на Германија водечка улога во Европа и повикуваат на зајакнување на германската армија за да ја направи земјата силен партнер на НАТО.

Оваа недела Контакт групата на НАТО за поддршка на Украина се состана во воздухопловната база Рамштајн за да разговара за прашањето за зголемување на воената помош за режимот во Киев. Нејзините учесници не успеаја да постигнат консензус за набавка на германски тенкови.

Берлин досега се воздржуваше од тоа, и покрај тоа што притисокот врз Шолц значително се зголеми.

Според весникот „Зидојче цајтунг“, во разговор со Џо Бајден, германскиот канцелар јасно ставил до знаење дека Германија ќе ѝ испорача на Украина тенкови „Леопард 2“ само доколку американската страна испорача тенкови „Абрамс“ на украинските вооружени сили, што подоцна беше одбиен во Берлин.

Share on Facebook

Tweet

Follow us

Save