Зеленски го покани Трамп во Украина: Ако Русија нè убие сите тогаш…
Украинскиот претседател Володимир Зеленски побара од Соединетите држави да обезбедат дополнително финансирање на неговата земја за да се спротивстави на Русија и го покани поранешниот претседател Доналд Трамп во посета за да се увери самиот во обемот на конфликтот.
Зеленски рече дека американските војници би можеле да бидат вовлечени во поширок европски конфликт со Русија доколку Вашингтон не ја засили својата поддршка.
„Ако Русија нè убие сите, ќе ги нападне земјите од НАТО, а тогаш ќе ги испратите вашите синови и ќерки“, им порача украинскиот претседател на Американците во интервју за Ен-Би-Си.
Американскиот демократски претседател Џо Бајден го повика Конгресот да одобри закон за дополнително финансирање, најмногу за зајакнување на украинската одбрана, но и за помош за Израел, индо-пацифичкиот регион и зајакнување на граничната безбедност.
Наместо тоа, Претставничкиот дом предводен од републиканците минатата недела усвои закон со кој се обезбедува помош од 14,3 милијарди долари за Израел, но без зголемување на помошта за Украина.
Зеленски го покани поранешниот републикански претседател Доналд Трамп да ја посети Украина за да се запознае со последиците од руската агресија.
Трамп сака да се врати во Белата куќа на изборите следната година и е главен фаворит на неговата партија. Тој силно ја критикуваше американската помош за Киев, тврдејќи дека би можел да ја заврши војната за 24 часа, доколку тој биде избран.
„Ако може да дојде, ќе ми требаат 24 минути да му објаснам на Трамп дека не може да управува со оваа војна“, рече Зеленски. „Не може да биде постигнат мир поради Владимир Путин“.
ПОВРЗАНИ ВЕСТИ
Пакистански државјанин осуден на 27 и пол…
Пакистанскиот државјанин, 48-годишниот Асиф Мерчант, е осуден…
Путин и Си ја продлабочуваат соработката: Русија…
Рускиот претседател Владимир Путин и кинескиот претседател…
Руската разузнавачка служба тврди дека Брисел сака…
Руската Служба за надворешно разузнавање (СВР) објави…
Си-Ен-Ен: Американското разузнавање верува дека Иран подготвува…
Нови разузнавачки информации на САД укажуваат дека…
Бугарија спаси две руски банки од санкциите…
Бугарија побара од Европската Унија да ги…