Зеленски: Путин е луд и мислам дека тој го знае тоа

Украинскиот претседател Володимир Зеленски изјави дека рускиот претседател Владимир Путин не бил во здрав ум кога предложил технолошки дуел меѓу хиперсонични ракети и украинската противвоздушна одбрана.

„Лицето што седеше во Кремљ предложи ракетен дуел, тој рече: Ќе го таргетираме, да речеме, Киев, и ќе им дозволиме да се бранат со системи за противвоздушна одбрана“, рече Зеленски на прес-конференција во Брисел, каде што разговараше со лидерите на земјите членки на ЕУ.

Тој додаде:„Дали мислите дека разумен човек може да го каже тоа? Тој е луд и мислам дека го знае тоа“, изјави украинскиот претседател.

Одговарајќи на новинарско прашање за предлогот за примирје на унгарскиот премиер Виктор Орбан, Зеленски рече дека Орбан нема мандат за такво нешто.

„Со сета почит, унгарскиот премиер нема мандат да организира преговори, неговите односи со Путин се „премногу топли“, рече Зеленски.

Тој нагласи дека ништо не може да се реши без учество на Украина и дека неговата земја не може да живее со замрзнат конфликт на нејзина територија.

Share on Facebook

Tweet

Follow us

Save