Зеленски се заканува: Русија може да остане без бродови доколку продолжи да ги напаѓа украинските пристаништа

Руската Федерација ќе остане без бродови до крајот на војната доколку продолжи да ги напаѓа украинските пристаништа, изјави претседателот на Украина, Володимир Зеленски во интервју за латиноамериканските медиуми, пренесува Укринформ.

Како што истакна Зеленски, Москва го блокираше Црното Море, особено територијалните води на Украина. Затоа нашата земја сега мора да докаже дека има право да увезува и извезува стоки во сопствените територијални води, нагласи украинскиот претседател.

„Ако Русија продолжи да доминира на Црното Море и да го блокира со проектили, тогаш Украина ќе го стори истото, што е праведна одбрана на нашите можности. Ако продолжат да пукаат, немаме многу оружје, но ако продолжат може да останат без бродови до крајот на војната. И ова сакаме да им го покажеме“, нагласи Зеленски.

Според него, сега руските окупатори не можат да победат, па со употреба на оружје и насилство сакаат да ја стават Украина во ќор-сокак. „Затоа, Украина дефинитивно ќе одговори на какви било напади врз цивилното население и житните коридори“, порача Зеленски.

Тој додаде дека Москва се обидува да води политика на колонизација на Црното и Азовското Море, но нема право да одлучува што може Украина да произведува и да извезува.

Како што е соопштено, Русија ги нападна јужните региони на регионот Одеса со борбени дронови. Како последица на руските напади избувнаа пожари на пристанишните објекти и индустриската инфраструктура.

Share on Facebook

Tweet

Follow us

Save