Зечевиќ од Виница: Современиот македонизам е обединување околу членството во ЕУ

Обединувањето околу стратешката цел поставена уште од независноста, полноправно членство во ЕУ е суштината на современиот македонизам, порача вечерва генералниот секретар на СДСМ, Миле Зечевиќ на средба со членови и симпатизери од општинската организација на партијата од Виница.

-Борбата на македонските револуционери, партизани, анти-фашисти е резултанта настаната со долгогодишно дејствување врз основа на идел за слободна, независна, призната и напредна македонска земја. Тој идел ги движел основоположниците на народното ослободување, македонски херои, генерации македонски синови и ќерки. Политичката борба на сегашните политичари е врз основа на тие вредности и идеали да ја заокружиме, да ја осигураме македонската иднина еднаш-засекогаш, со полноправно членство во ЕУ. Како Македонци со заштитен македонски јазик во големото семејството на европски народи, рамноправни, горди, достоинствени и побогати. Тоа е суштината на современиот македонизам, обединување околу оваа стратешка цел, рече Зечевиќ.

СДСМ, додаде Зечевиќ, 31 година е на вистинската страна на историјата. Денеска, вистинска страна на историјата се одлуките за обезбедување подобра иднина за младите дома, да создаваат и да се развиваат во својата македонска татковина која ќе биде дел од ЕУ, наместо во друга земја, рече генералниот секретар на СДСМ, Зечевиќ вечерва во Виница.

Share on Facebook

Tweet

Follow us

Save