Игра паметно: Швајцарија неутрална кон санкциите за Русија

Швајцарија е во контакт со други земји во врска со можните санкции против Русија поради интервенција во Украина и можеби нема да реагира веднаш, соопшти швајцарската влада.

Доколку против Русија бидат воведени нови меѓународни санкции, швајцарскиот кабинет ќе ја анализира ситуацијата и потоа ќе одлучи што ќе преземе, доколку одлучи нешто да преземе, информира Владата.

„-Затоа, швајцарските мерки не можат да бидат усвоени истовремено со оние на другите земји, соопшти швајцарското Министерство за економија како одговор на прашање од новинарите.

-Сепак, можеме да потврдиме дека швајцарските власти се во контакт со неколку земји за размена на информации за моменталната ситуација, додаваат тие.

Неутрална Швајцарија не ги усвои санкциите наметнати од ЕУ кон Русија поради нејзината анексија на Крим во 2014 година и наместо тоа спроведе сопствени мерки за да спречи земјата и нејзиниот финансиски центар да се користат за заобиколување на европските санкции. Според меѓународното право, Швајцарија мора да ги спроведе само оние санкции наметнати од Советот за безбедност на ОН.

Share on Facebook

Tweet

Follow us

Save