Избегната трагедија во Кавадарци – куче нападнало шестгодишно дете, минувачи едвај го спасиле

Вчераутро во Кавадарци е избегната голема трагедија, откако куче, кое имало сопственик, нападнало шестгодишно дете кое се шетало со својата мајка. Разулавеното куче го оттргнале минувачи, а детето со тешки повреди е пренесено во болница, соопшти МВР.

„На 04.11.2024 во 09.25 часот во ОВР Кавадарци, Џ.М.(23) од село Ваташа, кавадаречко, пријавила дека на 03.11.2024 на улица „Крсте Мисирков“ во Кавадарци, додека се шетала со нејзиниот шестгодишен син, детето било каснато од куче сопственост на М.И.(51) од Кавадарци, кое било оттргнато од случајни минувачи. Детето било пренесено во Општата болница во Кавадарци, каде му биле констатирани тешки телесни повреди“, се вели во полициското соопштение.

Share on Facebook

Tweet

Follow us

Save