Известени по мејл: „Џенерал моторс“ отпушти околу 1.000 работници

Американскиот производител на автомобили „Џенерал Моторс“ преку електронска пошта информираше приближно 1.000 работници во сите сектори дека повеќе не смета на нив поради реорганизација и желба да се намалат трошоците, пренесува Си-Ен-Ен повикувајќи се на анонимен информиран извор.

Некои отпуштања се последица на лош учинок, а некои се резултат на промена на приоритетите на компанијата, додаде изворот.

Портпаролот на „Џенерал Моторс“, Кевин Кели, ги потврди отпуштањата, но одби да го соопшти точниот број на луѓе кои останаа без работа.

Според него, за победа на конкурентниот пазар потребна е оптимизација на бизнисот, правилна структура на тимот и фокусирање на врвните приоритети, така што „Џенерал Моторс“ бил принуден „малку да го намали“ својот тим.

Компанијата во август отпушти повеќе од 1.000 вработени од одделот за софтвер и услуги.

Share on Facebook

Tweet

Follow us

Save