ИЗРАЕЛ МОЛЧИ: Неофицијално негира дека има некаква врска со хеликоптерската несреќа

Израелските власти официјално се воздржаа од коментар за падот на хеликоптерот во кој се наоѓаше иранскиот претседател Ебрахим Раиси, но голем број официјални лица изјавија дека Израел не е вклучен во инцидентот, објави во неделата порталот „Ynet“, повикувајќи се на израелски официјални лица.

Како што пренесува порталот, високи израелски функционери неофицијално наведуваат дека „во Израел, но и на Запад веруваат“ дека иранскиот претседател „не ја преживеал“ хеликоптерската несреќа.

Неименувани израелски официјални лица, исто така, рекоа дека не очекуваат „последици за Израел“ или промени во политиката на Техеран кон еврејската држава поради инцидентот.

Според официјални лица, можните последици зависат од тоа кој ќе го замени Раиси како претседател на Исламската Република во случај на неговата смрт.

Share on Facebook

Tweet

Follow us

Save