Израел: Повеќе од 60 оперативци на ПФЛП уапсени на Западниот Брег и во Либан

Повеќе од 60 оперативци на организацијата Народен фронт за ослободување на Палестина (ПФЛП) се уапсени за време на операции на Западниот Брег и во Либан, соопштија во заедничко соопштение израелската армија (ИДФ) и Шин Бет.

Меѓу уапсените на Западниот Брег била и Абла Садат, претседателка на Здружението на женски комитети на ПФЛП, како и сопругата на лидерот на ПФЛП, Ахмад Садат, кој е во израелски притвор од 2006 година, пишува Тајмс оф Израел. Уапсен е и активистот Тарир Бадран Габер од Рамала.

Израел го прогласи Здружението на женски комитети ПФЛП за терористичка организација.

ИДФ и Шин Бет соопштија дека се уапсени и клучни членови на ПФЛП од Западниот Брег, вклучително и оние кои раководеле со терористички активности, како и оние кои дејствувале на терен. Во соопштението се наведува дека се уапсени и студенти од Западниот Брег кои биле активни членови на групата ПФЛП на универзитетите.

Исто така, биле извршени рации и затворени се канцеларии и бизниси поврзани со ПФЛП, вклучително и печатница која произведувала пропагандни материјали за организацијата.

Share on Facebook

Tweet

Follow us

Save