„Илузија е дека ќе завладее мир во Европа откако ќе заврши војната во Украина, Русија се однесува како империја“, вели чешкиот претседател

Претседателот на Чешка, Петр Павел, пред кадетите од Средното воздухопловно училиште во Куновице, изјави дека е илузија оти Русија ќе се откаже од хибридните напади врз европските земји.

– Русија, нас, како држави и членка на НАТО, нè означува како непријател и би било наивно да се преправаме дека тоа не е случај. Русија е земја, која за жал се однесува како империја и се обидува да владее и да ги контролира земјите околу неа, истакна Павел.

Тој предупреди дека е голема илузија оти во Европа ќе завладее мир откако ќе заврши војната во Украина и дека Русија ќе се однесува како пријателска држава.

– Не велам дека Русија, откако ја заврши војната во Украина веднаш ќе почне војна со НАТО, но може, а тоа и ќе го прави, да продолжи со хибридна војна, посочи Павел.

Share on Facebook

Tweet

Follow us

Save