Ирска му се приклучува на Британија: Пробно ќе работат четири дена во неделата

Илјадници работници во Ирска ќе работат четири дена во неделата без намалување на платите, како дел од меѓународниот пробен систем.

Ирска им се приклучи на Обединетото Кралство, Соединетите Американски Држави, Канада, Австралија и Нов Зеланд и е единствената земја-членка на ЕУ која води пилот проект во текот на шест месеци за да го истражи влијанието на пократката работна недела.

Работниците кои ќе учествуваат во таа иницијатива ќе земаат 100 отсто од платата за 80 отсто од претходното работно време, но со обврска да одржуваат 100 отсто од продуктивноста.

Програмата ја води Четири дена во неделата на глобално ниво, во соработка со други граѓански групи и истражувачи од Универзитетот Оксфорд, Кембриџ и Бостонскиот колеџ.

Организаторите на проектот ќе го следат нивото на продуктивност, влијанието врз животната средина и родовата еднаквост во организациите учеснички, а резултатите ќе бидат објавени во 2023 година.

„Ќе анализираме како реагираат вработените на дополнителниот слободен ден, во однос на стресот и исцрпеноста на работа, задоволството од работата и животот, здравјето, спиењето, употребата на енергија, патувањето и многу други аспекти од животот“, рече Џулиет, главен истражувач на Бостонскиот колеџ и професор по социологија.Шор.

Таа рече дека четиридневната работна недела се смета за политика на тројни поволности – за вработените, компаниите и климата и дека сето тоа ќе биде опфатено со ова истражување.

Најмалку 17 ирски организации од различни големини од различни сектори се приклучија на иницијативата.

Во проектот ќе учествуваат и 70 организации во Велика Британија.

Слични програми претходно се имплементирани во други земји, или поединечни компании.

Во Исланд ваков проект се спроведуваше од 2015 до 2019 година.

„Како што излегуваме од пандемијата, се повеќе компании препознаваат дека квалитетот на животот е нова граница за конкуренција и дека работното време се скратува, работата фокусирана на резултати е алатка која им дава конкурентска предност“, рече извршниот директор на организацијата Џо О’Конор.