Мицкоски: Се рангираме во петте најбрзо растечки економии во Европа, пред нас се само Ирска, Данска и Полска

Во првиот квартал на 2025 година, реалниот раст на БДП, откако е избрана оваа влада, изнесува повеќе од 3 отсто, додека, пак, прилагодениот раст изнесува 3,2 отсто. Тоа е многу значајно и ова не е случајност, изјави премиерот Христијан Мицкоски.

Според Евростат, Македонија се најде на високото четврто место и тоа зад Ирска, Данска и Полска.

Со тоа практично на досега објавените параметри што ги објавил Евростат македонската економија е рангирана на 4. место веднаш зад Ирска, Данска и Полска, посочи Мицкоски.

Премиерот додаде дека ова е резултат на храброст, визија и многу работа.

-Тоа не е случајно и ова не е случајност, ова е резултат на храброст, визија и многу работа. Ова е доказ кога државата се води на исправен начин, но и со знаење, со план и трпение, резултатите мора да дојдат, додаде Мицкоски.

Share on Facebook

Tweet

Follow us

Save