Истрели во владина зграда во Анталија: Специјалци опколија објект во населбата Кепез

Во турскиот град Анталија се слушнале истрели во владината зграда во населбата Кепез, откако едно лице наводно влегло во Дирекцијата за национално образование и отворило оган, пренесуваат турските медиуми.

Според првичните информации, по пукањето напаѓачот се заклучил во една од просториите во зградата, што предизвикало паника меѓу вработените и граѓаните кои во тој момент се наоѓале таму.

Владината зграда во Кепез веднаш била евакуирана, а полицијата го блокирала поширокиот простор околу објектот.

Видеата што се појавија на социјалните мрежи покажуваат вооружени припадници на специјалните полициски единици како влегуваат во зградата, додека евакуираните вработени и граѓани стојат надвор и ја следат ситуацијата.

На местото на настанот пристигнале и медицински екипи, кои се во состојба на готовност во случај да има повредени.

Засега не е познато дали има повредени, ниту кој е мотивот на напаѓачот. Полицијата продолжува со операцијата во зградата, додека властите ги повикуваат граѓаните да ја избегнуваат областа додека трае интервенцијата.

Share on Facebook

Tweet

Follow us

Save