И Русија презема реципрочни мерки, се протеруваат германски дипломати од земјата

Германија одлучи да протера руски дипломатски претставници од земјата, Москва ќе преземе мерки како одговор на протерувањето на руските дипломати од Германија, се наведува на веб-страницата на Министерството за надворешни работи.

Според РИА Новости, бројот на протерани руски дипломати од Берлин изнесува повеќе од 20 лица. Москва, пак, протерува исто толку германски дипломатски претставници, изјави портпаролката на МНР Марија Захарова.

„Германските власти одлучија за уште едно масовно протерување на вработените во руските дипломатски претставништва. Ние силно ги осудуваме овие акции на Берлин, кој продолжува пркосно да ја уништува целата низа руско-германски односи, вклучително и нивната дипломатска димензија“, се вели во соопштението на Министерството.

„Како реакција на непријателските дејствија, донесена е одлука да се преслика протерувањето на германските дипломати од Русија, како и значително да се ограничи максималниот број вработени во германските дипломатски претставништва во нашата земја“, соопшти МНР.

Се прецизира дека германската амбасадорка во Москва, Геиса фон Гејр, добила официјално известување за одлуката на Русија за време на разговор во министерството на 5 април годинава.
Во пресрет на намерата на Германија да изврши уште едно намалување на рускиот дипломатски кор, изјави за РИА Новости информиран извор. Според него, на овој начин Берлин продолжува да го следи патот на ескалација во и онака многу тешките билатерални односи.

Share on Facebook

Tweet

Follow us

Save