И Унгарија оди на референдум: Орбан ќе го праша народот дали да воведе санкции за Русија

Унгарскиот премиер, Виктор Орбан реши преку референдум да го праша народот дали е за воведување на санкции кон Руската Федерација или не.

– “Унгарија денес е посилна од кога било од падот на комунистичкиот режим”, рече унгарскиот премиер Виктор Орбан во говорот пред парламентот на почетокот на есенската сесија и додаде дека владата ќе побара од граѓаните да го кажат своето мислење за санкциите против Русија.

Иако санкциите ѝ нанесоа штета на земјата, владата можеби ќе може да се погрижи Унгарија да излезе од кризата уште посилна, рече Орбан, пренесува агенцијата МТИ.

Тој, сепак, најави дека унгарската влада ќе биде првата што ќе побара од својот народ да го изрази своето мислење за санкциите воведени кон Руската Федерација како одговор на војната во Украина.

„ЕУ често ја обвинува Унгарија за кршење на европските вредности, но највисоката европска вредност е демократијата. За санкциите одлучија бриселските бирократи и европската елита. Тие не беа усвоени во демократски процес. Од граѓаните на европските земји не беа побарани нивните мислења, иако тие ја плаќаат цената на санкциите“, рече тој.

Share on Facebook

Tweet

Follow us

Save