И Франција протерува руски дипломати – Захарова најави соодветни мерки

Франција одлучи да протера руски дипломати, чии постапки, според Париз, се спротивни на безбедноста на земјата, се наведува во соопштението на француското Министерство за надворешни работи.

„Франција вечерва одлучи да протера голем број руски функционери со дипломатски статус, чии постапки се спротивни на нашите безбедносни интереси“, се вели во документот.

Се забележува дека овој чекор е дел од „пан-европскиот пристап“.
Според ТВ каналот БФМ, станува збор за „30-тина Руси“.

Претходно, германската министерка за надворешни работи Аналена Бербок прогласи 40 дипломати за персона нон грата.

Портпаролката на руското Министерство за надворешни работи Марија Захарова најави одмазднички мерки.

Дополнително, денеска Литванија и Летонија го намалија нивото на дипломатските односи со Русија со повлекување на своите амбасадори од Москва. За возврат, руските пратеници треба да ги напуштат Рига и Вилнус.

Share on Facebook

Tweet

Follow us

Save