Кадиров “воскресна”: Жив и здрав сум!

На официјалниот Телеграм канал на чеченскиот лидер, Рамзан Кадиров, денеска е објавена видео снимка на која лидерот на руската република Чеченија ги отфрла тврдењата на социјалните мрежи дека неговото здравје е влошено, пренесе Ројтерс.

Запрашан за гласините дека Кадиров се лекува во болница во Москва, портпаролот на Кремљ, Дмитриј Песков, оваа недела рече дека нема информации за тоа.

Во видеото, чеченскиот лидер седи покрај креветот на човек за кој се вели дека е „нашиот драг чичко Магомед Абдулхамидович Кадиров“ и го бакнува во раката и главата. Не е јасно кога е направена снимката, пренесе БТА.

„Фала на Семоќниот, жив сум и здрав и воопшто не разбирам зошто да се крева врева дури и во случајот со мојата болест?“, стои во објавата за која се вели дека ја напишал самиот Кадиров.

Share on Facebook

Tweet

Follow us

Save