Каевски: Референдумската иницијатива доказ за антиевропската коалиција меѓу ВМРО-ДПМНЕ и Левица

Иницијативата за референдум од Левица според Дарко Каевски, од СДСМ е уште еден обид на антииевропската коалиција помеѓу ВМРО-ДПМНЕ и Левица на неуставен начин да го блокира европскиот пат на државата.

-Единствени којшто се против ЕУ токму во оваа фаза во којашто се наоѓаме со почеток на преговорите и скрининг процесот се Христијан Мицкоски и Левица.

Криминалната антиевропска коалиција бара спас за својата фотеља, бара спас преку блокирања и штета врз државата.За среќа на граѓаните ова е уште еден неуспешен обид и овој обид нема да помине. Државата ќе продолжи и понатаму кон европскиот пат секако со сите придобивки којшто ги носи овој процес.

Македонија ги започна преговорите и скрининг процесот и како државотворна и одговорна партија верувам дека ќе продолжиме по вистинскиот пат, забрзан, се со цел час поскоро да ги завршиме обврските и да ги имаме придобивките којшто ги носи европскиот процес на нашата држава, вели Каевски.

Share on Facebook

Tweet

Follow us

Save