Казахстанскиот претседател контра Путин: Не ги признаваме ни Доњецк, ни Луганск, ни Косово – Не сакаме хаос на планетата

Претседателот на Казахстан, Касим-Жомарт Токаев, рече дека републиката не ги признава ЛНР и ДНР, бидејќи широката примена на принципот на нациите за самоопределување може да доведе до хаос.

„Пресметано е дека ако правото на народите на самоопределување навистина се оствари на земјината топка, тогаш наместо 193-те држави кои сега се членки на ОН, на Земјата ќе се појават повеќе од 500 или 600 држави. Се разбира, тоа ќе биде хаос. Поради оваа причина, нема да ги признаеме ниту Тајван, ниту Косово, ниту Јужна Осетија, ниту Абхазија и Доњецк“, рече Токаев за време на дискусијата на пленарниот состанок на Санктпетербуршкиот меѓународен економски форум (СПИЕФ), одговарајќи на прашање на модераторката Маргарита Симонјан.

„Ова е искрен одговор на едно искрено прашање“, додаде тој.

Share on Facebook

Tweet

Follow us

Save