Карантин и неколку ковид тестови: Специјален протокол за средба со рускиот претседател Путин

Тоа што рускиот претседател Владимир Путин не носи маска на јавните собири не значи дека не се обезбедени мерки за негова заштита, изјави денеска портпаролот на Кремљ, Дмитриј Песков.

„Постојат, и не е тајна, соодветни мерки на претпазливост околу претседателот, поради коронавирусот. „Луѓето кои стапиле во контакт со него се тестирани повеќе пати, а некои од нив поминале и неколку дена во карантин“, рече Песков, пренесува Танјуг.

Тој додаде дека затоа Путин во одредени ситуации, особено кога станува збор за јавни говори, не носи маска на лицето.

„Меѓутоа, тоа не значи дека сеопфатните безбедносни мерки не се во сила“, заклучи Песков.

Share on Facebook

Tweet

Follow us

Save