Катимерини: Атина го чека следниот потег на Скопје

Атина ќе почека владата на Македонија да положи заклетва пред да одлучи за дејствијата што ќе ги преземе доколку Скопје инсистира да не го почитува Договорот од Преспа, истакна во понеделникот министерот за надворешни работи Јоргос Герапетритис, пренесува Катимерини.

„Грција строго го следи почитувањето на договорите. Владата на Македонија сè уште нема положено заклетва, така што ќе го чекаме развојот на настаните“, изјави тој по средбата со неговиот египетски колега Самех Шукри во посета на земјата.

Тој додаде дека засега „нема намера да се активира каква било прекршочна постапка“.

„Овие прашања ќе бидат оценети од грчката дипломатија, како и, се разбира, од ЕУ во контекст на пристапниот процес на Македонија“, истакна Герапетритис.

Претходно, тој за разговор за Радио 98,9 изјави дека Договорот од Преспа „е меѓународен договор, кој е ратификуван, и не може да се менува или ревидира еднострано“.

Покрај тоа, тој го опиша како „многу, многу основен јазол на кој е изградена меѓународната позиција на Македонија“ и дека затоа се подразбира дека ЕУ „ги проценува прашањата од Договорот од Преспа и неговото целосно и доследно спроведување. ”

Политичкото раководство на Македонија, нагласи тој, „ќе ги процени овие прашања и ќе ги почитува барањата од Договорот од Преспа“.

Герапетритис, исто така, ја подвлече цврстата линија на грчката влада за потребата да се придржува до договорот на кој тогаш се спротивстави владејачката Нова демократија (НД).

„Мораме да се придржуваме до договореното, не затоа што се согласуваме со тоа, туку затоа што тоа е услов за континуитет и стабилност, што е создадено како што е создадено. И во секој случај, не можеме да формулираме еднострана рамка врз која ќе градиме политички кариери“, истакна тој.

Неговата изјава дојде еден ден по разочарувањето на САД изразено од помошникот државен секретар Елизабет Ален, која во неделата престојуваше во Скопје.

„Го поддржуваме Договорот од Преспа и бевме разочарани кога видовме дека претседателот не го употреби целосното и официјално име Македонија“, рече таа, мислејќи на новата претседателка на Македонија, Гордана Силјановска-Давкова.

„САД се во постојан дијалог со новата влада и се надеваат дека новото раководство на Македонија ќе ги почитува меѓународните договори“, рече Ален.

Се сметаше дека нејзините изјави ја оправдуваат позицијата на грчката влада да не продолжи со итна ратификација на трите меморандуми за разбирање со Македонија кои беа вклучени во Договорот од Преспа, како што бара опозициската СИРИЗА.

Премиерот Киријакос Мицотакис постојано повторува дека меморандумите нема да бидат ратификувани доколку Владата не биде убедена дека Скопје ќе го почитува Договорот од Преспа, пишува грчкиот весник.

Share on Facebook

Tweet

Follow us

Save