Ким го поканил Путин да ја посети Северна Кореја

Севернокорејскиот лидер Ким Јонг-Ун го покани рускиот претседател Владимир Путин да ја посети Северна Кореја, а рускиот лидер ја прифати поканата, јавува севернокорејската централна телеграфска агенција.
Агенцијата додава и дека двајцата лидери размениле подароци пред приемот организиран во чест на Ким Јонг-Ун.

За време на приемот, лидерот на Северна Кореја изјави дека е подготвен да изгради стабилни долгорочни односи ориентирани кон иднината со рускиот претседател.
Како што се наведува, дочекот поминал во неформална и пријателска атмосфера, „исполнета со топло чувство на братство“.
Во соопштението се наведува дека Ким и Путин разговарале за зајакнување на тактичката и стратешка соработка меѓу двете земји, како и поддршка во заедничката борба против воените закани и провокации.
Лидерот на Северна Кореја во средата се сретна со рускиот претседател Владимир Путин. Ова е негова прва посета на Русија од 2019 година.

Share on Facebook

Tweet

Follow us

Save