Кина воведе санкции против американски производители на оружје бидејќи го наоружувале Тајван

Кина ги санкционира американските производители на оружје, пренесува “Раша Тудеј”.

Пекинг воведува лични санкции на извршните директори на два американски гиганти за производство на оружје поради нивната вмешаност во продажбата на оружје на Тајван, две недели откако Вашингтон објави пакет оружје во вредност од 1,1 милијарди долари за островот, најголемиот договор меѓу САД и Тајван под администрацијата на Џо Бајден.

Портпаролката на Министерството за надворешни работи, Мао Нинг, објасни дека продажбата на оружје од САД на островот „сериозно ја прекршува“ таканаречената политика „Една Кина“ и постоечките договори меѓу САД и Кина.

Според Ројтерс, Боинг е главен изведувач на противбродските ракети Харпун, а Рејтеон за ракетите воздух-воздух Сајдвиндер и опремата за радарски системи.

Рејтеон, заедно со Локхид Мартин, е предмет на кинески санкции од февруари, кога Вашингтон објави продажба на надградба на ракетниот систем Патриот во Тајпеј во вредност од 100 милиони долари.

Share on Facebook

Tweet

Follow us

Save