Ковачевски: Датум за преговори на Македонија со ЕУ е безбедносно прашање за Балканот
Прашањето на почеток на преговорите на Брисел со Македонија е неопходен одговор на потребата за безбедноста на Европа, констатирале на денешната средба премиерот Димитар Ковачевски и претседателот на Комисијата за надворешни работи на Домот на пратениците на италијанскиот парламент Пјеро Фасино.
На средбата, пред почетокот на официјалната и работна посета на Италија и Ватикан на Ковачевски, е истакнато традиционалното пријателство меѓу Македонија и Италија кое постојано се унапредува на највисоко институционално ниво кое е втемелено на заедничките европски вредности.
-Премиерот Ковачевски на средбата се заблагодари за силната поддршка за европските перспективи на нашата земја која беше и формално изразена со резолуцијата на Парламентот на Република Италија во која италијанските народни претставници побараа ЕУ да го продолжи проширувањето со итно започнување на преговорите за членство со Македонија и Албанија, како приоритетно прашање со која ќе биде потврдена европската перспектива на Западен Балкан, наведуваат од владината прес-служба.
Ковачевски во тек на престојот на Ватикан и Рим ќе има аудиенција кај папата Франциск и ќе присуствува на молебенот на гробот на Св. Кирил во црквата „Сан Клементе“, а во работниот дел од посетата се најавени средби со претседателот на Советот на министри на Италија Марио Драги, како и со премиерот на Бугарија Кирил Петков.
ПОВРЗАНИ ВЕСТИ
Ковачевски: Техничката влада е дефинирана со закон,…
Техничката влада е дефинирана согласно закон и…
СДСМ ЌЕ ИМА СВОЈ ПРЕТСЕДАТЕЛСКИ КАНДИДАТ Ковачевски…
Ковачевски изјави дека на вечерашната седница на…
Ковачевски: Техничката Влада е законска обврска за…
Премиерот и претседател на СДСМ Димитар Ковачевски…
Ковачевски во Виена: Економската соработка и интеграција…
Економската соработка и интеграцијата на земјите е…
Срдечна средба на Ковачевски со Александар Сорос
Премиерот Димитар Ковачевски на маргините на Парискиот…