Колева: Глас за Силјановска е глас за рикверц и оддалечување на државата од ЕУ

Понудата на ДПМНЕ е да се откажеме од иднината, од надежта, да се изолираме и да се збогуваме со секоја вистинска и суштинска промена за подобро утре. Кандидатката на опозицијата, Гордана Силјановска Давкова е само уште едно лице на ДПМНЕ, продолжена рака на Христијан Мицкоски, изјави денеска пратеничката на СДСМ, Даниела Колева.

Според неа, глас за Силјановска е „глас за враќање назад, во рикверц и глас за оддалечување на државата од Европската Унија“.

Пратеничката порачува дека „на Македонија не ѝ е потребен претседател кој ќе биде реприза на екс-претседателот Ѓорге Иванов“.

-Не нѝ треба претседател кој ќе биде партиски послушник и безгласна буква како Иванов. Не нѝ треба претседател кој ќе го слуша гласот на Белата палата, а ќе биде глув за потребите на граѓаните. Не смееме да дозволиме деструктивните политики на Белата палата да се преселат во претседателскиот кабинет, тврди Колева во изјава од седиштето на СДСМ.

Share on Facebook

Tweet

Follow us

Save