INFOMAX.MK

Со голема поддршка од навивачите, РК Вардар успеа да стигне до првата победа сезонава во СЕХА-лигата. Вечерва во С.Ц. Јане Сандански, црвено-црните беа подобри од екипата на Партизан со резултат 31:26.

Вардар во текот на целото прво полувреме беше во предност, која во еден момент изнедуваше и четири гола разлика. Талески го отвори натпреварот со гол, додека Манасков во 7 минута донесе и предност од два гола, но екипата на Партизан по 9 минути игра успеа да го израмни резултатот на 4:4. Во овој период по четири одбрани на голот имаа Томовски и Трнавац. Талески беше расположен за игра со својот трет гол од исто толку обиди донесе водство од 7:5. Игравме брзо во нападот, додека тренерот Недановски ротираше со составот на теренот. Благодарение на петтата одбрана на Томовски, Вардар успеа да поведе со 12:8 во 19 минута откако противничката мрежа ја затресе Манасков. Истата разлика ја имавме и во 24 минута кога Талески погоди за 14:10, но до крајот на првиот дел тимот од Белрад се избори за преполовување на негативата, на одмор се замина со резултат 16:14. Голема поддршка имаше Вардар од своите Комити кои во текот на целиот меч го бодреа својот миленик.

Гледавме брзо темпо на игра и во вториот дел од страна на двете екипи. Вардар не успеваше да се одлепи, а противникот успеа во 37 минута да го израмни резултатот на 19:19, по што Недановски побара минута одмор. Се играше гол за гол, но црвено-црните беа постојано во предност, а Георгиевски во 48 минута ни донесе предност од 24:21. Томовски денес беше одличен, со неговата зицер одбрана, вкупно 11 го спречи Партизан повторно да се врати во натпреварот. Полека се ближеше крајот на натпреварот, а избраниците на Недановски играа се подобро во одбраната, што им овозможи да поведат со 28:24. На крајот триумф со резултат 31:26.

Томовски одличен со 12 одбрани, додека Талески и Манасков постигнаа по 9, а Стоилов 7 голови.

Фото: sport1.mk