Кој е всушност агресорот?: Блинкен бара Русија да ги повлече силите, додека САД секојдневно испраќа оружје во Украина

Американскиот државен секретар Ентони Блинкен ја повика Русија на итна деескалација на состојбата и да ги повлече силите и опремата од границите на Украина.

Во телефонскиот разговор со рускиот министер за надворешни работи Сергеј Лавров, Блинкен нагласи дека натамошната инвазија на Украина ќе предизвика брзи и тешки последици и ја повика Русија да тргне по дипломатски пат, соопшти Стејт департментот.

Блинкен ја повтори посветеноста на САД на суверенитетот и територијалниот интегритет на Украина, како и правото на сите земји сами да ја одредуваат својата надворешна политика и сојузи.

Американскиот државен секретар ја истакна подготвеноста на САД, билатерално и заедно со своите сојузници и партнери, да ја продолжат суштинската размена со Русија за меѓусебните безбедносни прашања.

„Имаме намера истата да ја продолжиме во целосна координација со партнерите и сојузниците“, рече тој.

Share on Facebook

Tweet

Follow us

Save