Кој “ќари” од војната? Лани била најуспешна година за американскиот бизнис со оружје, извозот зголемен за 50%

Продажбата на американско оружје во странство се зголемила за вртоглави 49 отсто во фискалната 2022 година, достигнувајќи вредност од 205,6 милијарди долари, објави денеска американскиот Стејт департмент.

Меѓу одобрените продажби во годината беа продажбата на борбени авиони Ф-15ИД во вредност од 13,9 милијарди долари на Индонезија, продажба на повеќенаменски борбени бродови на Грција во вредност од 6,9 милијарди долари и продажба на тенкови М1А2 на Полска, со вредност од шест милијарди долари.

„Џенерал Дајнамикс Корп“ (General Dynamics Corp) ги произведува тенковите „Абрамс“, „Боинг“ ги прави авионите „Ф-15“, а „Локид Мартин“ произведува воени бродови.

Имаше две други големи набавки на оружје од страна на странски влади од американски компании: директна комерцијална продажба за која се преговарало меѓу влада и соодветната компанија, и продажба на странска војска во која странската влада обично контактира со претставник на Министерството за одбрана во американската амбасада во нејзиниот главен град. И за двете е потребно одобрение од американската влада.

Директната воена продажба на американските компании порасна за 48,6 отсто на 153,7 милијарди долари во фискалната 2022 година од 103 милијарди долари во фискалната 2021 година, додека продажбата договорена преку американската влада се зголеми за 49,1 отсто на 51,9 милијарди долари во 2022 година. .
Продажбата на американската воена опрема во претходната фискална година изнесуваше вкупно 138 милијарди долари.

Share on Facebook

Tweet

Follow us

Save