Крвав инцидент во центарот на Белград: 26-годишник нападнал маж со секира, па мирно ја чекал полицијата

Утрово во центарот на Белград е убиен маж, а за злосторството е осомничен 26-годишник. Според српските медиуми, тој останал на местото на убиството и ја чекал полицијата.

Како што објави српски „Телеграф“, убиството се случило околу 7 часот наутро во куќа лоцирана зад старата зграда на БИП.

Полицијата рано наутро добила пријава за злосторството и веднаш испратила патрола на местото на настанот.

Според неофицијалните информации што ги објавија српските медиуми, полицајците на адресата пронашле 26-годишен маж кој наводно го признал злосторството.

„Го убив со секира“, наводно им рекол тој на полицајците по нивното пристигнување.

Полицијата веднаш го уапсила и го притворила.

Голем број полицајци и форензички експерти се на местото на злосторството и спроведуваат истрага.

Истражителите ги утврдуваат околностите на убиството, можниот мотив и односот помеѓу осомничениот и жртвата.

Идентитетот на убиениот маж сè уште не е објавен, а полицијата работи на негово идентификување.

Share on Facebook

Tweet

Follow us

Save