Кремљ негира дека врши притисок Навални да биде погребан во тајност

Руската Влада ги отфрла обвинувањата дека се обидува да изврши притисок врз роднините на починатиот опозиционер Алексеј Навални да организираат погреб во тајност.

-Се разбира дека Кремљ не може да врши никаков притисок. Ова се дополнителни апсурдни изјави на поддржувачите (на Навални), изјави портпаролот на Кремљ, Дмитриј Песков.

Телото на Навални, кој почина во сибирски затвор на 47-годишна возраст на 16 февруари, беше предадено на неговата мајка дури на 24 февруари по неколкудневно чекање и молби до властите, вклучително и директен апел до рускиот претседател Владимир Путин да и го предаде телото.

Људмила Навална, исто така, ги обвини властите дека вршеле притисок да го закопа синот во тајност.

Сè уште не е јасно каде и како ќе биде погребан Навални. Неговата мајка го отфрли барањето за таен погреб и се залага за јавна церемонија на која неговите поддржувачи ќе му оддадат почит. (МИА)

Share on Facebook

Tweet

Follow us

Save