Кривична пријава против тетовчанец – најдени 501 таблета екстази во неговиот стан

Единицата за недозволена трговија при СВР Скопје до ОЈО Скопје поднесе кривична пријава против А.Б. (38) од Тетово поради тоа што му биле пронајдени 501 таблета екстази, а од судија на претходна постапка одредена му е мерка притвор во времетраење од 30 дена.

– На 09.09.2024 околу 01.30 часот, полициски службеници од СВР Скопје го привеле А.Б. затоа што во станот во кој престојува со неговата девојка на подрачјето на Карпош во Скопје го нарушил јавниот ред и мир со физичка пресметка со нејзиниот татко. Подоцна, неговата девојка пријавила дека во станот пронашла ќеса со таблети, кои му припаѓале на А.Б.. Полициски службеници извршиле преглед во станот и ги одзеле таблетите. А.Б. бил задржан во полициска станица, каде во службен разговор признал дека таблетите се негови, се посочува во соопштението од МВР.

Share on Facebook

Tweet

Follow us

Save