Кривична против скопјанец за загрозување на животната средина и природата со отпад

СВР Скопје – Единица за економски и компјутерски криминал поднесе кривична пријава против Ж.М.(62) од Скопје за сторено кривично дело „загрозување на животната средина и природата со отпад“ по член 230 ст.3 од Кривичниот законик.

Пријавениот, при извршена контрола на 06.10.2022 од страна на полициски службеници од Единицата за економски и компјутерски криминал при СВР Скопје и инспектори од Државниот пазарен инспекторат и Државниот инспекторат за животна средина, на импровизирано и нерегистрирано место за откуп и продажба на секундарни суровини во населба Радишани, Општина Бутел, бил затекнат како неовластено тргува со отпад.

Притоа е утврдено дека тој не е регистриран во Централниот регистар како физичко лице или како трговец поединец и не поседувал Дозвола за вршење дејност за управување со отпад, издадена од Министерството за животна средина и просторно планирање, која е должен да ја поседува согласно чл. 64 од Законот за управување со отпад.

Share on Facebook

Tweet

Follow us

Save