Лагард: Реизборот на Трамп за претседател на САД е закана за Европа
Претседателката на Европската централна банка Кристин Лагард денеска оцени дека реизборот на Доналд Трамп за претседател на САД ќе претставува закана за Европа.
– Ако извлечеме поуки од историјата, мислам на начинот на кој Трамп ги помина првите четири години од својот мандат, тоа е јасна закана – изјави Лагард за француска телевизија, пренесе „Ројтерс“.
Таа ги посочи трговските царини, посветеноста на Трамп кон НАТО и неговиот став во борбата против климатските промени.
Европскиот комесар за внатрешен пазар, Тиери Бретон, неодамна истакна дека Трамп претходно предупредил дека Вашингтон нема да и помогне на ЕУ доколку биде воено нападната.
Според резултатите од анкетата објавена во средата, која ја спроведоа „Ројтерс“ и „Ипсос“, Трамп води во трката за републиканска номинација за претседател на САД, на изборите што ќе се одржат во ноември годинава.
ПОВРЗАНИ ВЕСТИ
„Политико“: Амбасадата на САД во Лондон должи…
Амбасадата на Соединетите Американски Држави во Лондон…
ЕУ го донесе првиот Закон за вештачка…
Земјите-членки на Европската унија денеска го одобрија…
(Видео) Атанасовски во „Тешки муабети“: Црвенковски го…
Ако одиме во теорија на заговор, велат…
Борел за налогот за апсење на Нетанјаху:…
Високиот претставник на ЕУ за надворешна политика…
(Видео) Јанчев: Ни ЕУ, ни НАТО, ни…
Прво е Македонија, а потоа е сѐ…