ЛАЖНА Е ПРИЈАВАТА ЗА ИСЧЕЗНАТО ДЕТЕ НА КЛИНИКАТА ЗА ГИНЕКОЛОГИЈА И АКУШЕРСТВО!
Лажна е пријавата за наводно исчезнато дете во Клинички центар, пријавителката е лишена од слобода. Министерството за внатрешни работи ја известува јавноста дека во координација со ОЈО Скопје го расчисти случајот со наводно исчезнато дете на Клинички центар и утврдено е дека станува збор за лажна пријава од страна на Л.А., велат од МВР.
Веднаш по добиената пријава, од страна на Единицата за насилен криминал при СВР-Скопје, а во консултација со ОЈО Скопје преземени се соодветни мерки и активности. Направени се детални проверки во системот на Гинеколошко акушерска клиника Скопје за примени пациенти, и притоа констатирано е дека Л А. последен пат е хоспитализирана во 2019 година. Исто така направени се проверки во системот на Детска клиника и притоа не е забележано новородено дете како што пријави Л.А.. Направени се проверки во ординацијата на матичниот лекар на Л.А. и притоа констатирано е дека таа била на преглед на 08.03.2023 година каде што од страна на докторот е констатирано дека Л.А. не е трудна. Извршен е разговор со докторот и од прибраните докази е констатирано дека пријавата на Л.А. е лажна. Во консултација со дежурен јавен обвинител Л.А. е лишена од слобода и задржана во полициска станица за понатамошно постапување, соопштија од МВР.
ПОВРЗАНИ ВЕСТИ
Внимавајте, се вршат измами за случени сообраќајни…
СВР Охрид презема мерки за пронаоѓање на…
Петровска: Внатрешната контрола во МВР нарачана од…
„Овој случај не беше одолговлекуван, ниту се…
(Документи+видео) Нови 52,8 МИЛИОНИ денари за Стентон…
Тони Коњановски уште еднаш го позлати Стентон…
Бојмацалиев: Почит кон споменот и сеќавањето на…
Денеска дополнителниот заменик министер за внатрешни работи…
Џафери со честитки за новите припадници на…
Техничкиот премиер Талат Џафери честитајќи им на…