INFOMAX.MK

Селекторот на Македонија, Кире Лазаров уште еднаш направи ретроспектива на вчерашното реми со Унгарија и го најави утрешниот натпревар со Холандија која исто така е силна селекција.

Лазаров истакна дека најважно за него е да види борба од ракометарите како што тоа беше случај во вчерашната средба.

„Ќе бидам задоволен ако излеземе на терен и се бориме 60 минути. Важно е да не гледаме на резултатот и да играме како што знаеме и умееме без разлика дали сме во водство или негатива“, изјави Лазаров.

Кога е публиката во прашање, очекува и поголема поддршка.

„Очекувам голема поддршка од публиката, таа ќе ни биде ветер во грб да играме како што знаеме. Холанѓаните не се селекција која крупна и силна, но нив ги краси брза игра и мислам дека помалку ни одговараат како противник“, истакна Лазаров.

Натпреварот против Холандија Македонија го игра утре во терминот одо 18:00 часот, а два дена подоцна не очекува и последниот натпревар од првата фаза против Гвинеја.