Левица: ДПМНЕ избега од расправа за дивоградбите – Левица поддржува расправа за дивоградбите во сите општини

Фејсбук статус на советничката на Левица во град Скопје, Катерина Јовановска.

Денес требаше да се одржи вонредна седница на Советот на Град Скопје во врска со дивоградбите во Чаир и другите општини. За тоа што се случи во Советот денеска, театар е мал збор.

Најпрво не се изгласа оправданоста за одржување на вонредната седница затоа што немаше мнозинство – ДПМНЕ, ДУИ и ЗХГ гласаа воздржано, но на поединечното гласање  ЗХГ гласаа  ЗА, па се обезбеди мнозинство за да започне седница.

Но, веднаш потоа кога се гласаше дневниот ред, повторно ДПМНЕ,  ЗХГ и ДУИ  беа воздржани и истиот не беше усвоен и со тоа вонредната седница за дивоградбите во Чаир и другите општини  не се одржа.

И тука почнува вистинскиот театар:

– ДПМНЕ поднесоа барање за нова вонредна седница за дивоградбите во Сарај и другите општини.

– Кога видоа од ДПМНЕ дека сите советници ќе го  подржат  барањето и за таа вонредна седница и откако видоа дека поднеле барање и за другите општини, (а не само за Сарај), незнаејќи како да постапат, прво се повлекоа на координација, а потоа го повлекоа барањето  за вонредната  седница, кои самите тие го поднесоа, а кое сите ќе го подржевме, очигледно со единствена цел да не се дискутира за дивоградбите во Чаир.

Со тоа заврши и таа вонредна седница уште пред да почне. Зошто советниците на ДПМНЕ побегнаа и не сакаа да се одржат  вонредните седници за дивоградбите во Чаир, Сарај и во другите општини во Скопје, дали и кого штитат и што сакаат да сокријат од јавноста,  претпоставете сами.

Колеги советници од ДПМНЕ, ако навистина го штитите интересот на народот, а не на урбаната мафија, еве јавно објавувам дека советничката група на Левица ќе го поддржи секое барање за дискусија за дивоградбите и во Чаир и во Сарај и секаде во Скопје, само осмелете се (ако смеете) и не бегајте од седниците.

Share on Facebook

Tweet

Follow us

Save